MUSEOS JUNÍN, kay web nishanćhuumi talinki imaymana lulaśhqakunakta museos nishankunata lisichinanchikpaq, ćhulaśhqakunakta, haypi arte wasikunakta isqun ćhawpi malkanchikunapita Región Junin.
Plataforma virtual nishqanćhuumi, lliw nunakuna Perú Suyunchik haypita hatun malkakunapita talipaakunqa imaymana willakuykunakta, llamkaqkuna lulaśhqakunakta kay lliw tawa ćhunka Museos kaśhqankunapita kay Region Junin nishqanćhu.
Imaymana Dispositivos nishqankunaman yaykuykulmi huluyta atipanki imaymana willakuykunakta, exposiciones virtuales nishqankunakta likakunaykipaq haypiqta imanu Museos lulićhu kaśhqantapis liqsinaykipaq, imanu yaćhay ashiyta lulapaakuśhqantapis, imakuna unay lulay kaśhqanta, ćhulaśhqankunakta, haypita allichapaakuśhqankunakta, Proyectos educativos lulapaakuśhqankunakta, imaynama ćhulapaakuśhqankunakta chalay, hukkunatapis.
MUSEOS JUNIN nishqanmi likayan pachaćhu imaymana yaćhaykunakta Museos llamkaqkunapa lulaśhqankunawan likalishqa kayan, yaćhayninkunakta kalpanchaśhqa talleres virtual icha presencial nishqankunawan lulaśhqa.
MUSEOS JUNIN likalishqanmi, plataforma virtualman yaykunapaq mana imatapis mañakunchu, Ministerio de Cultura del Perú sulpayta mañakuśhun kay Estímulos económicos 2020 lulaykaqpita haypi Dirección Desconcentrada de Cultura de Junín yanapayninwan lulaśhqa.
MUSEOS JUNIN, likalishqa haypita lulaśhqa CANAL MUSEAL nishqanpa, ñawpaq hatun yaćhaykuna likachinapaq haypita artes nishqankuna tinkupaqkunampaq likaśhqam kayan, patrimonio cultural, kay Malkapita museales yaćhayninkunanu haypita kawsayninkunanu.
MUSEOS JUNIN śhuntuyan imaymana yaćhaykuna lulaśhqankunaktam, huk allin yaćhayllaćhu kushichimanchik:
“Manam uchuk museo kanchu. Lawka wasi uchukllas kanmanmi ñatan hatun lulaynin. Imaymana kaśhqanchikta, munaśhqanchikta haypita lulaśhqanchikta, museo contemporáneo haymi” Luis Repetto Málaga
