Kay Museos Juninćhuumi imaymana pulinakunakta talinki haypita enlaceskunakta allin yaćhaykunaman aypanaykipaq musiyukuna haypita ćhawpi malka Junin museal lulayninkunapita.
Allaykunapaq, willapaakuśhqayki tawa hatun pulinakunakta talinki imaymana tuki lulaqkunakta, unay imakunaktapis sumaq ćhaninchśhqa, imanuupa kay lulaykunaćhu yanapayta munaptikipis kay lulaykaqćhu.
Kultura lulaykuna: kayćhu talinki llapa musiyukuna ćhawpi malka Junin tinkuśhqankunakta, kaykunam allin yaćhaynikikunakta wiñachinqa kay imaymana Junin malkanchikćhu kaqninkunapita, tantayta willakuy
haypita liqsichiy allin kaśhqanpita. Hinaykulpis, La pieza del mes nishqanta talinki , llapa Junin
musiyukunapita aklaśhqa, liqsichiykuna haypita allin willakuykunapis lliw Juninćhu kulturakuna haypita museales lulayninkunapita.
Pachakunapaq likachina: kayćhu ñatan musiyukuna śhuntuśhqa kayalkan kaśhqanlaykunilaq. Hillkanakunaćhuumi talinki mayćhu kaśhqanta, willakuynin, fotografías haypita likakuna. Kaykunawanmi yaćhanki kalućhu icha hayllaćhu kaśhqanpis Junin malkata śhamul watukunaykipaq, imay uurapita kićhaśhqa tapukunaykipaq haypita imay
linaykipaq willanaykipaq.
Imankuna: Kayćhuumi imaymana hillkana lulaykuna kan haypita likanakunapis, publicaciones, audios haypita videos, hukkunapis. Hinaykul sumaq allin tuki lulaqkunapis haypita likalichiqkunapis kay Junin malkapita, paykunapaqmi fichas nishqankunakta ishpichishun liqsikunapaq lliw lulaśhqankunakta unay arte tradicional icha kanan
contemporáneo lulaykunatapis kay ćhawpi malkaćhu.
Ñatan yaćhaykunakta talinki imaymana musiyukuna lulayninkunapita allichaśhqankunakta haypita imanu ćhulaśhqankunakta patrimonio cultural haypita patrimonio amachakuqkuna lulaśhqanunaktapis.
Yanapay: kaypitam Museos Junin nishqanta yanapanki. Apachimuy ćhawpi malka musiyukunapita hillkaśhqaykita, willakuykuna, unay willakuykuna, datos, fotos, videos, audios icha hillkanakunakta, yaqakunam kayćhu śhutiykiwan ćhulapaakuśhqa. Ayamunkimanpis tapukunaypipaq.
Kaypita yaćhaykunakta willakuyta munaptikiqa, maypi hulumuśhqaytam ninki nunakuna allin willakuyta ćhaskipaakunampaq.
Allin śhamuśhqa Museos Juninman kay. Artes haypita unay pachakunapaq likachina kay ćhawpi malka Junin, Canal Museal lulaynin.
